Pagina in continuo
(Castelluccio di Capolona, conosciuto in antichità con il nome di Fabriciano)
Visita del Vescovo Francesco da Montepulciano
Die 25 augusti 1424
Ecclesia sancti Angeli de Fabriciano>
382 ‑Die xv augusti visitavi ecclesiam sancti Angeli de Fabriciano curatam, plebatus plebis sancte Marie Magdalene de Cedrone. (Sietina)
In edificiis, ornatu et reliquis bene.
Inventarium Fructus
Mandatum de inventario.
Habet in fructibus omnibus computatis LV staria grani.
Die 22 augusti 1424
<Ecclesia sancti Clerici (S. Quirico) de Fabriciano>
420 ‑Dicta die visitavi ecclesiam curatam sancti Clerici de Fabriciano, dicti plebatus. Obtinet ser Antonius Pauli de Aretio.
Habet 26 staria grani, unam salmam olei in fructibus.
Inventarium et Sacramenta
Rarissime celebrat. Patitur ruinam, sacramenta non habet et reliqua.
Visita del vescovo Bernardetto Miliberti (1537-1574)
Die 14 mensis aprilis 1567
<Ecclesia sancti Angeli de Fabriciano>
item visitavit parochialem ecclesiam sancti Angeli de Fabriciano, cuius est rector ser Gulielmus Masii de Bibena, et est de iure patronatus abbatis pro tempore existentis supradicte abbatie sancti Ianualis de Capolona, et pro alia medietate hominum et parochianorum dicte ecclesiae et plebis Sietenae, et ab ipsis dictus ser Gulielmus electus fuit confirmatus ab ordinario, ut ipse ser Gulielmus asseruit, manu ser Tomae de Romanis notarii episcopalis curiae aretinae.
<Ecclesia plebs sanctae Mariae Madalenae de Sietena>
Item visitavit parochialem ecclesiam plebem nuncupatam sanctae Mariae Madalenae de Sietena, cuius est rector dominus Antonius Franciscus de Baccis et in qua pro capellano se gerit ser Andreas Sandri de Loro, et habet sub sua cura 60 animas ad comunionem et bona eiusdem fructant staria 100 grani pro parte domini, barilia 12 vini. Est de iure patronatus familiae de Baccis pro medietate et populanorum dictae plebis et sancti Angeli de Fabriciano pro alia medietate. Sequestrum Baccio Pauli laboratori, ut retineat recollectuam futuram et nemini det pena excomunicationis et scutorum 25, et restitutionis dicti recollectus.
Die XIJ octobris 1571,
visitavit parochialem ecclesiam sancti Angeli de Fabriciano cuius est rector ser Gulielmus de Montazis de Bibena,<?> et facta absolutione pro defunctis visitavit altare maius et ciborium super dicto altare, miro artificio factum, sacramentum in eo existens, paramenta, missale et ornamenta et calicem dictae ecclesiae, simul tectum, stratum cum menia dictae ecclesiae, quae omnia invenit bene esse. Item interroghatus quot animas habeat ad comunionem dixit de 60; item si sint omnes confesse et comunicatae dixit quod sic. Item dixit electionem spectare pro dimidia abbatiae Capolone et pro alia dimidia populo dictae ecclesiae et fructare staria 40.
<Ecclesia plebs sanctae Mariae Madalenae de Sietena>
Item visitavit parochialem ecclesiam plebem nuncupatam sanctae Mariae Madalenae de Sietena cuius est rector dominus Bernardinus de Disperatis, et facta absolutione pro defunctis, visitavit altare, calicem, paramenta et fontem baptismatis ac ecclesiam totam, quae omnia invenit bene esse. Interroghatus quot animas habeat ad comunionem dixit de 120. Item si sint omnes confesse et comunicate dixit quod sic. Item si sint in dicta villa personae publice pecatrices, usurariae, concubinariae et malefice, dixit quod non. Item ad quem spectet provisio dictae ecclesiae dixit electionem spectare pro medietate ad populum et pro alia medietate ad familiam de Baccis, et ipse dominus Bernardinus ab ipsis electus fuit confirmatus manu mei notarii infrascritti. Item quos fructus redditus habeat dicta ecclesia dixit de stariis 80 grani.